Avropaya doğru
Hüquq və vəzifələr
AEGEE-Bakının üzvləri öz aralarında bərabər hüquqlu olub aşağıdakı hüquqlara malikdirlər:
Nizamnamədə və digər sənədlərdə nəzərdə tutulmuş qaydada təşkilatın idarəçiliyində iştirak etmək AEGEE-Bakının hər hansı seçkili, o cümlədən rəhbər orqanına seçmək və ya həmin orqanlarda təmsil olunmaq;
AEGEE-Bakının fəaliyyətində və təşkil etdiyi tədbirlərdə iştirak etmək;
AEGEE-Bakının rəhbər orqanlarının fəaliyyəti barədə məlumat almaq, fəaliyyətinə nəzarət etmək;
Öz mənafelərinin müdafiəsinə kömək göstərilməsi üçün AEGEE-Bakıya müraciət etmək;
Onun hüquq və vəzifələri ilə bağlı hər hansı məsələnin müzakirəsində şəxsən iştirak etmək, AEGEE-Bakının müvafiq orqanlarına etirazını bildirmək və şikayət etmək.
AEGEE-Bakının üzvü yalnız birliyin müvafiq orqanları səlahiyyət verdikdə həmin orqanı təmsil edə və ya onun adından bəyanatla çıxış edə bilər.
AEGEE-Bakının üzvləri aşağıdakı vəzifələri daşıyırlar:
AEGEE-Bakının Nizamnaməsinə əməl etmək;
AEGEE-Bakının seçkili orqanlarının qərarlarını yerinə yetirmək;
Nizamnamə tələblərinə riayət etmək;
AEGEE-Bakının tədbirlərində iştirak etmək.
AEGEE-Baki təşkilatının hər bir üzvü ildə 15 AZN məbləğində üzvlük haqqı ödəyir.
AEGEE-Bakı üzvlüyünə aşağıdakı hallarda xitam verilir:
Könüllü olaraq AEGEE-Bakının üzvlüyündən çıxdıqda;
AEGEE-Bakı üzvlüyündən çıxarıldıqda.
AEGEE-Bakının üzvü aşağıdakı hallarda üzvlükdən xaric edilir:
AEGEE-Bakının adına ləkə gətirən hərəkətlərə yol verdikdə;
Mütəmadi olaraq AEGEE-Bakının işində iştirak etməkdən boyun qaçırdıqda;
Nizamnamə məqsədlərinə zidd hərəkət etdikdə;
Üzvlükdən, təsisçilikdən çıxarılma İdarə Heyətinin qərarı ilə həyata keçirilə bilər.
AEGEE-Bakı üzvünün həmin qərardan AEGEE-Bakının ali idarəetmə orqanına və məhkəməyə şikayət etmək hüququ vardır.